समान अंशियारहरू
पति, पत्नी, बाबु, आमा, छोरा, र छोरीहरूलाई पुर्ख्यौली सम्पत्तिमा समान अंशियार मानिन्छ।
वैवाहिक सम्बन्ध भएका दम्पतीबाट जन्मिएको बच्चालाई पुर्ख्यौली सम्पत्तिको अंश पाउने अधिकार हुन्छ।
अविभाजित (सगोलको) परिवारमा बस्ने बच्चाले बाबुको पुर्ख्यौली सम्पत्तिमा मात्र दाबी गर्न सक्छ।
पुर्ख्यौली सम्पत्तिको बेचबिखन र विभाजन
हस्तान्तरणमा रोक: आफ्नो नाममा पुर्ख्यौली सम्पत्ति भएको व्यक्तिले विधिवत रूपमा अंशबण्डा नगरी उक्त सम्पत्ति हस्तान्तरण गर्न पाउँदैन।
आपसी सहमति: अंशियारहरूले आपसी सहमतिमा साक्षीहरूको उपस्थितिमा लिखित कागज तयार गरी र सम्बन्धित निकायमा विधिवत दर्ता गरेर पुर्ख्यौली सम्पत्ति विभाजन गर्न सक्छन्।
फर्स्यौट र त्याग: अंशबण्डाको क्रममा, कुनै पनि अंशियारले सम्पूर्ण वा आंशिक सम्पत्तिमा आफ्नो अधिकार छाड्न, नगद लिएर दाबी छोड्न, वा आफ्नो अधिकार पूर्ण वा आंशिक रूपमा त्याग गर्न लिखित कागज गर्न सक्छ।
आंशिक विवाद: अंशबण्डाको क्रममा कुनै निश्चित सम्पत्तिमा विवाद उत्पन्न भएमा, विवाद नभएको सम्पत्तिलाई समान भागमा विभाजन गरिन्छ र विवादित सम्पत्तिलाई अविभाजित पुर्ख्यौली सम्पत्तिको रूपमा राखिन्छ।
अंशबण्डा सम्बन्धी विवाद र कानूनी प्रक्रिया
अधिकारक्षेत्र: अंशबण्डा सम्बन्धी विवाद अधिकारक्षेत्र भएको सम्बन्धित जिल्ला अदालतमा दर्ता गर्नुपर्छ।
सम्पत्तिको विवरण: अदालतले दाबी वा प्रतिवादसँगै प्राप्त सम्पत्तिको विवरणको आधारमा फैसला गर्छ। विवरण पेश नभएमा अदालतले समय तोकेर विवरण पेश गर्न आदेश दिन सक्छ।
सम्पत्ति लुकाएमा: यदि कुनै अंशियारले अंशबण्डाको कारवाहीको क्रममा सम्पत्ति लुकाएको अदालतले फेला पारेमा, अदालतले त्यस्तो अंशियारलाई उक्त सम्पत्तिको अधिकारबाट बञ्चित गरी बाँकी अंशियारहरूबीच समान रूपमा बाँड्न सक्छ।
खराब नियत: यदि अदालत कुनै अंशियारले खराब नियतले सम्पत्ति राखेको दाबीमा सन्तुष्ट भएमा, सम्पत्ति विभाजन नभएसम्म अदालतले त्यस्तो सम्पत्ति रोक्का राख्न सक्छ।
हदम्याद: यसअघि अंशबण्डा नभएको अवस्थामा अंश दाबी गर्न कुनै हदम्याद लाग्दैन। तर, अंशबण्डा भइसकेको अवस्थामा, अंशबण्डा सम्बन्धी कुनै पनि विवाद अंशबण्डा भएको मितिले तीन (३) महिनाभित्र दर्ता गर्नुपर्छ।
AHN Legal ले विभिन्न पारिवारिक मामिलाहरूसँग सम्बन्धित विषयमा पक्षहरूको प्रतिनिधित्व गर्ने विशेषज्ञता राख्दछ।
नोट: यस लेखलाई विशेषज्ञ कानूनी रायको रूपमा नभई केवल विषयवस्तुको सामान्य जानकारीको उद्देश्यले तयार गरिएको हो।
विस्तृत जानकारीका लागि कृपया सम्पर्क गर्नुहोस्:
मनिस राज खरेल
अधिवक्ता, साझेदार, ए.एच.एन. लिगल प्रा. लि.
manish@ahnlegal.com
+977-9851183977